Yuxarı

Əfqanıstanın qərbində baş verən partlayış nəticəsində 5 nəfər ölüb, 12 nəfər yaralanıb

Şindand qəzasının mərkəzi bazarında üçtəkərli motosikl partladılıb

Bakı. 11 avqust. REPORT.AZ/ Əfqanıstanın qərbində yerləşən Herat vilayətində bazarda baş verən partlayış nəticəsində 5 nəfər ölüb, 12 nəfər yaralanıb.

"Report" xəbər verir ki, bu barədə "Sputnik" agentliyinə vilayət başçısının press-attaşesi Cilani Fərhad məlumat verib.

Şindand qəzasının mərkəzi bazarında üçtəkərli motosikl partladılıb. 

C.Fərhadın sözlərinə görə, ölənlər arasında iki hərbçi, yaralılar arasında isə qadınlar və uşaqlar da var. O əlavə edib ki, hadisə yerinin yaxınlığında məscid var və partlayış nəticəsində ona böyük ziyan dəyib.

Hələlik terror hücumuna görə məsuliyyəti qruplaşmaların heç biri üzərinə götürməyib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi