Bakı. 30 aprel. REPORT.AZ/ Əfqanıstanın cənubunda yerləşən Qəndəhar vilayətində terrorçu-kamikadze partlayıcı qurğunu işə salaraq mədrəsədə təhsil alan 11 şagirdin ölümünə səbəbkar olub.
"Report" RİA "Novosti"yə istinadən xəbər verir ki, partlayış xarici silahlı qüvvələrin maşın konvoyunun yanxınlığında həyata keçirilib.
"Pajvak" agentliyinin məlumatına görə, partlayışın hədəfi NATO-nun "Qətiyyətli dəstək" missiyası çərçivəsində ölkədə yerləşdirilən Rumıniya hərbçilərinin konvoyu olub. Agentlik hadisə nəticəsində 6 hərbçinin yaralandığını xəbər verib.
Hələlik bölgədə fəaliyyət göstərən heç bir qruplaşma partlayışa görə məsuliyyəti üzərinə götürməyib.