Əfqanıstanda xarici konsulluqların yaxınlığında partlayış olub

Bakı. 5 yanvar. REPORT.AZ/ Əfqanıstanın şərqindəki Cəlalabad şəhərində xarici ölkələrin konsulluqlarının yaxınlıqlarında partlayış baş verib. "Report" xəbər verir ki, bu barədə "Reuters" məlumat yayıb.

Yerli hakimiyyət nümayəndəsi Attaula Huqianinin sözlərinə görə, ilkin məlumatlara görə, partlayış Hindistan, Pakistan və İran konsulluqlarının yerləşdiyi rayonda olub.

Hadisə qurbanları və zərərçəkənlər barədə məlumat yoxdur.