Əfqanıstanda "Taliban" terrorçularının hücumu nəticəsində 6 hərbçi həlak olub

Bakı. 4 yanvar. REPORT.AZ/ "Taliban" terror qruplaşmasının yaraqlıları Əfqanıstan təhlükəsizlik qüvvələrinin nümayəndələrinə hücum edib.

"Report" "Anadolu" agentliyinə istinadən xəbər verir ki, hadisə ölkənin şimal-şərqində yerləşən Bədəhşan vilayətində baş verib.

Ölkənin təhlükəsizlik qüvvələrinin konvoyuna edilən hücum nəticəsində 6 hərbçi həlak olub, yeddisi isə yaralanıb.

"Taliban"çılar isə ölən və yaralananların sayının təxminən 30 olduğunu bildirib.