Bakı. 17 dekabr. REPORT.AZ/ Əfqanıstanın Qəndəhar şəhərində silahlı şəxslərin hücumu nəticəsində 6 nəfər ölüb.
"Report" xəbər verir ki, bu barədə "Sinxua" məlumat yayıb.
Məlumata görə, naməlum şəxslər Qəndəhar hava limanının 5 əməkdaşının və 1 sürücünün olduğu avtomobilə atəş açıblar. Nəticədə avtomobildəki şəxslərin hamısı ölüb.
Ölənlərdən 5-i qadın, 1-i kişidir. Hadisənin təfərrüatları barədə məlumat verilmir.
İnsidentin motivləri hələlik məlum deyil.