Əfqanıstanda qubernator partlayış nəticəsində ölüb

Bakı. 10 noyabr. REPORT.AZ/ Əfqanıstanın Herat əyalətinin Kohsan dairəsinin qubernatoru partlayış nəticəsində həlak olub.

Bu barədə "Report" RİA "Novosti"yə istinadən xəbər verir.

Yerli Tolo News telekanalının məlumatına görə, qubernator Hacı Əmir Hafbala şənbə günü həlak olub. Partlayış onun ofisində baş verib.

Hadisənin digər təfərrüatları hələlik məlum deyil. Regionda fəaliyyət göstərən heç bir qruplaşma məsuliyyəti öz üzərinə götürməyib.