Yuxarı

​Əfqanıstanda polis məntəqəsinə hücum nəticəsində 5 nəfər ölüb

Hücumun məsuliyyətini Taliban hərəkatı öz üzərinə götürüb

Bakı. 1 iyun. REPORT.AZ/ İyunun 1-də gecə saatlarında Əfqanıstanın şərqində - Nanqahar əyalətinin Cəlalabad şəhərində polis nəzarət məntəqəsinə hücum nəticəsində 5 nəfər ölüb, 16 nəfər yaralanıb.

"Report" Əfqanıstan KİV-inə istinadən xəbər verir ki, bunu Nanqahar əyaləti polsi idarəsinin rəisi Fazil Əhməd Şirzad bildirib.

Onun sözlərinə görə, atışma 4 saata yaxın davam edib. Basqınçılardan 5-i öldürülüb, biri isə həbs olunub.

Əfqanıstan Daxili İşlər Nazirliyinin hesabatında bildirilib ki, hadisə nəticəsində 11 polis və 5 dinc sakin yaralanıb.

Polis məntəqəsinə hücumun məsuliyyətini "Taliban" hərəkatı öz üzərinə götürüb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi