Əfqanıstanda partlayış baş verib, ölən və yaralananlar var

Bakı. 20 noyabr. REPORT.AZ/ Əfqanıstanın paytaxtı Kabil şəhərinin Nikahlar sarayında partlayış baş verib.

“Report” “ToloNews”ə istinadən xəbər verir ki, bu barədə ölkənin Səhiyyə Nazirliyi məlumat yayıb.

Partlayış nəticəsində azı 40 nəfərin öldüyü, 80-dək xəsarət alanın olduğu bildirilir.

Əfqanıstan Daxili İşlər Nazirliyinin ilkin məlumatına görə, kamikadze-terrorçu Mövlud günü münasibətilə keçirilən tədbir iştirakçılarının toplaşdığı salona girərək güclü partlayış törədib.