Əfqanıstanda onlarla silahlı zərərsizləşdirilib

Əfqanıstanın təhlükəsizlik qüvvələri ölkənin şimal-şərqindəki Bağlan vilayətində radikal "Taliban" hərəkatının silahlılarının hücumlarını dəf ediblər.

"Report" "Sinhua" agentliyinə istinadən xəbər verir ki, silahlı qarşıdurmalar nəticəsində onlarla terrorçu məhv edilib.

Yerli hakimiyyət orqanlarının məlumatına görə, silahlılar Burka mahalını nəzarət altına almaq üçün hücuma keçiblər.

Bununla yanaşı, Hilmənd vilayətində baş verən mina partlması nəticəsində azı 2 polis ölüb, 3-ü isə yaralanıb. Partlayış polis bölməsində olub.