Əfqanıstanda iki ABŞ hərbçisi minaya düşüb

Bakı. 9 oktyabr. REPORT.AZ/ Əfqanıstanın şərqində yol kənarında quraşdırılmış əldəqayırma qurğunun partlaması nəticəsində iki ABŞ hərbçisi yaralanıb.

"Report" xəbər verir ki, bu barədə ABŞ-ın Müdafiə Nazirliyinə istinadən "Reuters" məlumat yayıb.

İnsident onlar Nankarhar əyalətində yerləşən Cəlalabad hava limanı yaxınlığında keşik çəkən zaman baş verib.

Yaralılar tibbi yardım göstərilməsi üçün aeroporta aparılıblar.