Yuxarı
    Bağlamaq

    Əfqanıstanda hökumət əleyhinə keçirilən aksiyada 4 etirazçı ölüb, 8-i yaralanıb

    Polis aksiyanı dağıtmaq üçün havaya atəş açıb

    Bakı. 2 iyun. REPORT.AZ/ Əfqanıstan paytaxtı Kabulda ölkə Prezidenti Əşrəf Qəni hökumətinin istefası tələbi ilə keçirilən nümayiş nəticəsində 4 nəfər ölüb, 8 nəfər yaralanıb.

    “Report” RİA "Novosti”yə istinadən xəbər verir ki, bu barədə Əfqanıstan Səhiyyə Nazirliyi məlumat yayıb.

    Polis aksiyanı dağıtmaq üçün havaya atəş açıb. Polislə etirazçılar arasında baş verən toqquşma nəticəsində 4 nəfər ölüb, 8 nəfər yaralanıb.

    Qeyd edək ki, iyunun 2-də bir neçə min insan Kabulda mayın 31-də terror törədilən yerə toplaşaraq aksiya keçiriblər.

    Xatırladaq ki, mayın 31-də Kabulda törədilən terror nəticəsində 100 nəfər ölüb, 600 nəfər isə yaralanıb. Terrorun məsuliyyətini terrorçu İŞİD qruplaşması üzərinə götürüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi