Əfqanıstanda hərbi helikopter sərt eniş edib, ölən və yaralananlar var

Bakı. 24 noyabr. REPORT.AZ/ Əfqanıstan Hərbi Hava Qüvvələrinə məxsus helikopter sərt eniş edib. 

“Report” “RİA Novosti”yə istinadən xəbər verir ki, bu barədə Müdafiə Nazirliyinin sözçüsü Qafur Əhməd Cavidi məlumat verib. 

Məruf əyalətində baş verən hadisə nəticəsində 2 nəfər ölüb, 2 nəfər də xəsarət alıb. Hadisəyə səbəb kimi texniki nasazlıq göstərilib.

Əyalət polisinin başçısı Tadin Xan helikopterdə 20 hərbçinin olduğunu bildirib.