Yuxarı
    Bağlamaq

    ​Əfqanıstanda etiraz aksiyası zamanı iki nəfər ölüb, üç nəfər yaralanıb

    Polis hücumun qarşısını alıb və maliyyə müəssisəsini qarətdən qoruyub

    Bakı. 31 yanvar. REPORT.AZ/ Bu gün Əfqanıstanın paytaxtı Kabulda Məhəmməd peyğəmbərin karikaturasının Parisdə çıxan "Charlie Hebdo" qəzetində çapına etiraz olaraq aksiya keçirilib.

    "Report" "İTAR-TASS"a istinadən xəbər verir ki, aksiya zamanı iki nəfər ölüb, üç nəfər yaralanıb.

    Ölkənin Daxili İşlər Nazirliyi Kabul İdarəsinin rəisi general Abdul Rəhman Rəhimi bildirib ki, etiraz aksiyasının iştirakçıları bank binasına basqın etdikdən sonra asayiş keşikçilərinin üstünə hücum çəkiblər.

    Polis hücumun qarşısını alıb və maliyyə müəssisəsini qarətdən qoruyub.

    Hadisənin detalları, xəsarət alan və ölənlərin sayı dəqiqləşdirilir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi