Yuxarı

​Əfqanıstanda avtomobilin partladılması nəticəsində 10 nəfər ölüb

Ölənlər arasında iki uşaq da var

Bakı. 10 may. REPORT.AZ/ Əfqanıstanın şərqində yerləşən Nanqarhar əyalətində terrorçu-kamikadzenin avtomobili partlatması nəticəsində ən azı 10 nəfər ölüb, 23 nəfər yaralanıb.

"Report" xəbər verir ki, bu barədə əyalət rəhbərliyinə istinadən "Sinxua" agentliyi məlumat yayıb.

Terrorçu avtomobildə quraşdırılan partlayıcı qurğunu yerli vaxtla 17.30 radələrində hökumətyönlü lider Malik Dehqanın Nazyan dairəsində yerləşən evi yaxınlığında partladıb. Ölənlər arasında iki uşaq var.

Agentliyin məlumatına görə, yerli könüllülərdən ibarət qrupun lideri olan Dehqan hücum nəticəsində yaralanıb.

Hazırda heç bir terror təşkilatı partlayışa görə məsuliyyəti öz üzərinə götürməyib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi