Bakı. 17 avqust. REPORT.AZ/ Əfqanıstanın şərqində İŞİD terror qruplaşmasına qarşı əməliyyat zamanı ABŞ-ın bir hərbçisi həlak olub.
"Report" "RİA Novosti"yə istinadən xəbər verir ki, bu barədə NATO-nun keçirdiyi "Qətiyyətli dəstək" əməliyyatının qərargahı bildirib.
"Əfqanıstanın şərqində ABŞ və əfqan hərbi birləşmələrinin keçirdiyi birgə əməliyyat zamanı bir hərbi qulluqçu aldığı xəsarətdən həlak olub", - deyə xəbərdə qeyd olunur.
Bundan əlavə, əməliyyat zamanı həmçinin ABŞ və Əfqanıstanın bir neçə hərbçisi də xəsarət alıb. Onlar təxliyyə edilərək hospitala yerləşdiriliblər.
NATO təfərrüatları açıqlamayıb.