Əfqanıstanda 25 terrorçu məhv edilib

Bakı. 21 oktyabr. REPORT.AZ/ Əfqanıstanın təhlükəsizlik qüvvələrinin keçirdiyi anti-terror əməliyyatı nəticəsində "Xakkani Şəbəkəsi" terrorçu qruplaşmanın 25 üzvü məhv edilib. 

"Report" RİA "Novosti"yə istinadən xəbər verir ki, ölkənin şərqindəki Paktika vilayətinin terrorçulardan təmizlənməsi üçün əməliyyat keçirilib.

Əməliyyat zamanı 30 terrorçu yaralanıb. Dinc əhali və təhlükəsizlik qüvvələri arasında ölən və yaralanan olmayıb.