Əfqanıstanda 150 terrorçu öldürülüb, 68 laboratoriya məhv edilib

ABŞ-ın başçılıq etdiyi koalisiya və Əfqanıstan Silahlı Qüvvələrinin havadan keçirdikləri birgə əməliyyat nəticəsində azı 150 talib silahlı məhv edilib, 40-ı yaralanıb, narkotik maddə istehsal edən 68 laboratoriya dağıdılıb.

“Report” “Khaama Press”ə istinadən xəbər verir ki, bu barədə Əfqanıstanın rəsmi şəxsləri məlumat veriblər.

Bildirilib ki, əməliyyat Fərəh əyalətinin Bakva raonunda keçirilib. Əfqanıstan Müdafiə Nazirliyinin nümayəndəsi deyib ki, 68 laboratoriya "Taliban"a gündə bir milyon dollar qazanc gətrirmiş.