Yuxarı
    Bağlamaq

    ​Əfqanıstan hərbçiləri 38 terrorçunu zərərsizləşdirib

    Ölkənin 8 əyalətində antiterror əməliyyatı keçirilib

    Bakı. 23 sentyabr. REPORT.AZ/ Əfqanıstan Silahlı Qüvvələrinin keçirdiyi antiterror əməliyyatı nəticəsində bir sutkada "Taliban" hərəkatının azı 38 silahlısı zərərsizləşdirilib.

    "Report" xarici KİV-ə istinadən xəbər verir ki, bu haqda Əfqanıstanın Daxili İşlər Nazirliyi məlumat yayıb.

    "Milli təhlükəsizlik qüvvələrimiz Əfqanıstanda sabitlik yaratmaq və ölkəni sülhün düşmənlərindən, terrorçulardan təmizləmək üçün Nanqahar, Kunduz, Bədaxşan, Sari-pol, Qəndahar, Qəznə, Herat, Gilmənd əyalətlərində 24 saat əməliyyat keçirib. Nəticədə 38 silahlı öldürülüb, 8-i yaralanıb", - DİN-in məlumatında vurğulanıb.

    Əməliyyat nəticəsində terrorçuların silah-sursatları da müsadirə edilib.

    Hökumət qüvvələrinin itkiləri barədə məlumat verilməyib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi