Efiopiyadakı iğtişaşlarda 67 nəfər ölüb

Efiopiyanın müxtəlif yerlərində son iki gün ərzində polislə etirazçılar arasında baş verən qarşıdurmalarda ən az 67 nəfər ölüb.

“Report” un məlumatına görə, iğtişaşlara efiopiyalı siyasi fəal Cəvar Məhəmmədə hakimiyyət tərəfindən təzyiqlərin edilməsi barədə yayılan xəbərlər səbəb olub.

Oromiya əyalətinin polis komissarı Kefyalev Teferə “Reuters” agentliyinə açıqlamasında bildirib ki, ölənlərdən 62-si nümayişçi, beşi polis əməkdaşıdır.

Qeyd olunub ki, 13 nəfər güllə yarasından, digərləri atılan daşların yetirdiyi xəsarətlərdən ölüb. Bundan əvvəl “BBC” 27 nəfərin ölməsi barədə məlumat yaymışdı.