Efiopiyada hərbi helikopter qəzaya uğrayıb, 17 nəfər ölüb

Bakı. 30 avqust. REPORT.AZ/ Efiopiyada hərbi helikopterin qəzaya uğraması nəticəsində ikisi uşaq olmaqla azı 17 nəfər ölüb.

"Report" RT-yə istinadən xəbər verir ki, hadisə Oromiya regionunda baş verib.

AP-nin məlumatında helikopterin Dıre-Dauadan Debre-Zeytdəki aviabazaya uçduğu bildirilib.

Hazırda qəzanın səbəbləri aydınlaşdırılır.