ÜST koronavirusun sürətlə yayıldığı ölkələrə müraciət edib

ÜST koronavirusun sürətlə yayıldığı ölkələrə müraciət edib Dünya Səhiyyə Təşkilatı COVID-19 virusuna yoluxma hallarının yenidən artmağa başladığı ölkələrin sakinlərini imkan daxilində evdən az çıxmağa çağırıb.
Digər ölkələr
1104
3 İyul , 2020 23:40
ÜST koronavirusun sürətlə yayıldığı ölkələrə müraciət edib

Ümumdünya Səhiyyə Təşkilatı (ÜST) COVID-19 virusuna yoluxma hallarının yenidən artmağa başladığı ölkələrin sakinlərini evdən çölə imkan daxilində az çıxmağa çağırıb.

"Report" xəbər verir ki, bu barədə təşkilatın Kəskin Xəstəliklər Bölməsinin Texniki Qrupunun rəhbəri Maria van Kerkhove bildirib.

“Virusun artması və ya sürətlə yayılmasının mövcud olduğu ölkələrdə hər kəs qarşısında seçim var. Hər kəs virusa yoluxduğu halda infeksiyanın daha da yayılmaması üçün nə etməli olduğunu bilməlidir. Siz də öz seçiminizi edə bilərsiniz. Həmin bölgələrdə olarkən sizə evdə qalmanızı deyirlərsə, evdə qalın. Çünki ön xətdə çalışanlar bunu edə bilmir. Bu məsələdə hamımız üzərimizə düşəni etməliyik”, - o qeyd edib.