Yuxarı

Dünya liderləri miqrasiya böhranının həllinə çağırır

Avropa İttifaqının xarici siyasət şəbəsinin rəhbəri Federika Mogerini: Fəlakətlərə cavab vermək vaxtı çatıb

Bakı. 20 aprel. REPORT.AZ/ Avropa liderləri Afrika və Yaxın Şərqdən miqrasiya böhranının həlli məqsədi ilə təcili ölçülər götürülməsinə çağırır.

"Report"un Amerikanın Səsinə istinadən verdiyi xəbərə görə, Avropa İttifaqının xarici siyasət şəbəsinin rəhbəri Federika Mogerini deyib ki, qurumun fəlakətlərə cavab vermək vaxtı çatıb.

İtaliyanın baş naziri Matteo Renzi ölənlərin sayının artacağı barədə xəbərdarlıq verərək, hər gün faciələrə şahid olunduğunu bildirib.

Fransa prezidenti Fransua Olland ötən il 4 min insanın ölümünə səbəb olan insan qaçaqmalçılığı ilə mübarizəyə çağırıb.

Roma Papası Frasis həftəlik müraciəti zamanı beynəlxalq ictimaiyyəti miqrant fəlakətlərinə mane olmağa səsləyib.

Hər il minlərlə insan Aralıq dənizi vasitəsi ilə yoxsulluq və müharibələrdən xilas olmaq ümidi ilə Avropaya üz tutur.

Bu ilin əvvəlindən 500-dən artıq insan həlak olub.

Cümə günü ABŞ prezidenti Barak Obama Vaşqintona səfər edən İtaliyanın baş naziri Matteo Renzi ilə miqrasiya problemini müzakirə edib. Renzi Aralıq dənizinin insanların məzarlığına çevrilməsini görmək istəmədiyini bildirib.

Prezident Obama region ölkələrini siyasi ölçülər yolu ilə böhranı həll etməyə çağırıb.

Avropa İttifaqı havaların qızması ilə miqrasiya axının artacağı barədə xəbərdarlıqla çıxış edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi