Yuxarı
    Bağlamaq

    Dövlət Dumasının spikeri Rusiyanın Avropa Şurasından çıxmasını istisna etmir

    Rusiya AŞ-a üzvlük haqqının ödənilməsindən imtina etmək niyyətində deyil

    Bakı. 22 yanvar. REPORT.AZ/ Rusiya AŞPA-da 2015-ci ildə onun səsvermə hüququndan növbəti dəfə məhrum olunması ilə bağlı Avropa Şurasındakı (AŞ) üzvlüyü məsələsini qaldırmaq niyyətindədir. "Report" xəbər verir ki, bu barədə "Kommersant"a müsahibəsində RF Dövlət Dumasının spikeri Sergey Narışkin bildirib. 

    "Biz Parlament Assambleyasını, Avropa Şurasını ilk növbədə, aktual məsələlər üzrə açıq dialoq üçün geniş beynəlxalq meydan kimi qiymətləndiririk. Lakin biz gələcəkdə də  bu cür açıq dialoq aparmaq imkanından məhrum olsaq, onda bu təşkilatı nəyə görə dəyərləndirməliyik? Bu zaman bizim AŞPA-dakı fəaliyyətimizin ən azı bir il müddətinə dondurulması məsələsi ortaya çıxa bilər. Və əgər cari il ərzində bu məsələ ilə bağlı fərqli qərar qəbul edilməzsə, onda Rusiyanın Aİ-də üzvlüyü haqqında məsələ qaldırılacaq", - S.Narışkin vurğulayıb. 

    Eyni zamanda Dövlət Dumasının sədri qeyd edib ki, Rusiya AŞ-na üzvlük haqqının ödənilməsindən imtina etmək niyyətində deyil, və xatırladıb ki, bu vəsait iki il əvvəlcədən ödənilir.    

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi