Dövlət Departamenti: Türkiyə suriyalılara hamıdan çox yardım edib

Bakı. 23 may. REPORT.AZ/ Türkiyə digər ölkələrə nisbətdə suriyalılara yardım üçün daha çox şey edib.

"Report" RİA "Novosti"yə istinadən xəbər verir ki, bunu ABŞ dövlət katibinin müavini Tomas Şennon deyib.

Onun sözlərinə görə, heç bir ölkə suriyalılara yardım üçün 3 milyondan çox qaçqın qəbul edən və Suriyaya göndərilən humanitar yardım üçün əsas loqistika mərkəzinə çevrilən Türkiyə qədər iş görməyib.