Almaniyanın Dortmund şəhərində İkinci Dünya Müharibəsindən qalan təyyarə bombası ilə bağlı əhalinin ən böyük təxliyəsi keçirilib.
“Report” TASS-a istinadən xəbər verir ki, bu barədə şəhərin “Twitter”dəki rəsmi səhifəsində bildirilib.
"Dortmundda şəhər tarixində ən böyük təxliyələrdən biri keçirilir", - xəbərdə deyilir. Qeyd edilir ki, təxminən 14 min sakin evlərini tərk edib. Təxliyə zamanı şəhərlə dəmir yolu arasında əlaqə tam dayandırılıb.
İkinci Dünya müharibəsinin sonunda nasist Almaniyasına müxtəlif kalibrli 2 milyondan çox bomba atılıb. Bombaların 20%-dən çoxu partlamayıb.