Bakı. 13 yanvar. REPORT.AZ/ ABŞ-ın yeni seçilən prezidenti Donald Trampın andiçmə mərasiminə etiraz olaraq minlərlə insanın iştirakı ilə aksiya keçirilməsi nəzərdə tutulub.
“Report” BBC-yə istinadən xəbər verir ki, etiraz aksiyasının iştirakçıları andiçmə mərasiminin keçiriləcəyi Kapitoliyaya gedən 12 buraxılış məntəqəsini bağlamaq niyyətindədir.
İnformasiyaya əsasən, yeni dövlət başçısının andiçmə günü, yanvarın 20-də Vaşinqtonda müxtəlif aksiyalar keçirmək üçün 27 təşəbbüs qrupu icazə alıb.
Məlumata görə, D.Trampın andiçmə mərasiminə 800 min tamaşaçı toplanacaq. Tədbirin təhlükəsizliyini isə 15 mindən çox asayiş keşikçisi təmin edəcək.