Yuxarı
    Bağlamaq

    Donald Tramp teleşousundan üç dəfə qovduğu xanımı Ağ Evə gətirmək niyyətindədir

    Omarosa Maniqol D.Trampın seçkiqabağı kampaniyasının fəal iştirakçısı olub

    Bakı. 5 yanvar. REPORT.AZ/ ABŞ-ın yeni seçilmiş prezidenti Donald Tramp elə özünün apardığı "Usta yardımçısı" teleşousunun keçmiş iştirakçısına Ağ Evdə vəzifə təklif etmək niyyətindədir.

    "Report" xəbər verir ki, "Associated Press" agentliyinin məlumatına görə, Omarosa Maniqolun (Omarosa Manigault) işi administrasiyanın fəaliyyətində ictimaiyyətin iştirakı ilə bağlı olacaq. Amma vəzifənin dəqiq adı və öhdəlikləri barədə hələlik məlumat verilmir.

    Qeyd edək ki, O.Maniqol D.Trampın seçkiqabağı kampaniyasının fəal iştirakçısı olub. Bundan əlavə, xanım Maniqol buna qədər artıq ABŞ administrasiyasında işləyib - demokrat-prezident Bill Klintonun aparatında o, işçi qəbulu sahəsində çalışıb, Ticarət Nazirliyinin əməkdaşı olub, eləcə də o vaxtkı vitse-prezidenti Albert Qorun ştatında köməkçi olub.

    Əlavə edək ki, 2004-cü ildə "Usta yardımçısı" teleşousunun başlamasından az sonra D.Tramp onu proqramdan uzaqlaşdırıb. Şou yenidən efirə qayıdanda O.Manigol yenə layihədə yer alıb, amma daha 2 dəfə - 2011 və 2013-cü illərdə işdən azad edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi