Donald Tramp Hillari Klintonu "İŞİD-in təsisçisi" adlandırıb

Donald Tramp Hillari Klintonu "İŞİD-in təsisçisi" adlandırıb "Klinton İŞİD-in təsisçisi kimi, ondan mükafat almalıdır"
Digər ölkələr
157
4 Avqust , 2016 01:51
Donald Tramp Hillari Klintonu İŞİD-in təsisçisi adlandırıb

Bakı. 4 avqust. REPORT.AZ/ Respublikaçılar Partiyasından ABŞ prezidentliyinə namizəd Donald Tramp demokratlardan olan rəqibi, sabiq dövlət katibi Hillari Klintonu ittiham edərək bildirib ki, onun siyasəti İŞİD terror təşkilatının yaranmasına səbəb olub.

"Report" xəbər verir ki, milyarder bunu çərşənbə günü Florida ştatının Deyton-Biç şəhərində tərəfdarları qarşısında çıxışı zamanı söyləyib.

Tramp hesab edir ki, ABŞ prezidenti Barak Obama son dərəcə təəssüflənməlidir ki, Klintonu öz administrasiyasında dövlət katibi vəzifəsinə məhz o təyin edib. Keçmiş brinci xanım bu postu 2009-2013-cü illərdə tutub.

"O (Klinton) İŞİD-in təsisçisidir", - deyə Tramp iddia edib və bildirib ki, Dövlət Departamentinin sabiq rəhbərinin siyasəti sözügedən qruplaşmanın yaranmasına və nüfuzunun artmasına gətirib çıxarıb.

"Bu, Hillari Klinton olub, məhz o, İŞİD-in təsisçisi kimi qruplaşmadan mükafat almalıdır", - deyə milyarder bildirib.

Son xəbərlər

Orphus sistemi