Donald Tramp Cerom Pauellin FES sədri seçilməsinin səhv olduğunu düşünür

Bakı. 24 oktyabr. REPORT.AZ/ ABŞ Prezidenti Donald Tramp Cerom Pauellin Federal Ehtiyat Sisteminin (FES) rəhbəri vəzifəsinə təyin edilməsinin səhv olduğunu düşünür.

"Report" xəbər verir ki, bu barədə "The Wall Street Journal" yazıb.

Prezidentin fikrincə, ABŞ hər dəfə böyük bir iş görəndə Cerom Pauell faiz dərəcəsini artırır.

D.Tramp vurğulayıb ki, bu, deyəsən FES sədrini sevindirir.

ABŞ Prezidenti bu təyinatına görə təəssüf etdiyini söyləyib.

FES nümayəndələri isə məsələyə şərh verməkdən imtina ediblər.