Yuxarı

Dəməşqdə minaatanlardan açılan atəş nəticəsində 8 nəfər xəsarət alıb

Hadisəyə görə məsuliyyəti Ceyş Əl-İslam qruplaşması öz üzərinə götürüb

Bakı. 5 fevral. REPORT.AZ/ Silahlı müxalifət tərəfdarları bu gün Dəməşqin yaşayış məntəqələrini minaatanlardan güclü atəşə tutub. "Report" "İTAR-TASS"a istinadən xəbər verir ki, hadisə nəticəsində ən azı 8 nəfər xəsarət alıb. 

Polisdən verilən məlumata görə, atışma zamanı əraziyə ən azı 50 mina və raket mərmisi atılıb. 

Məlumata görə, paytaxtdakı atışmaya görə məsuliyyəti "Ceyş Əl-İslam" qruplaşması öz üzərinə götürüb.

"Əl-Manar" telekanalı xəbər verib ki, Suriya  artilleriyası Kasyun dağından açılan  atəş nəticəsində qarşı tərəfi susdurub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi