Bakı. 14 aprel. REPORT.AZ/ Dəməşq sakinləri ABŞ, Böyük Britaniya və Fransanın Suriyaya aviazərbələr endirməsindən sonra küçələrə çıxıblar.
"Report" RT-yə istinadən xəbər verir ki, suriyalılar ölkə bayraqları ilə əvvəlcədən planlaşdırılmayan mitinq təşkil ediblər.
Onlar əllərində bayraqlarla Suriya ordusuna, hökumətə və Bəşşar Əsədə dəstək şüarları səsləndirirlər.
Qeyd edək ki, daha əvvəl ABŞ prezidenti Donald Tramp Dumada kimyəvi silahdan istifadə iddiasına cavab olaraq Suriyaya zərbələr endirilməsini əmr edib. Birləşmiş Ştatlara sonradan Böyük Britaniya və Fransa da qoşulub.