Yuxarı

Tomas de Mezyer: "Terrorçular Almaniyaya qarşı hücum hazırlamır"

Almaniyanın daxili işlər naziri avropalı həmkarlarını ABŞ-la əməkdaşlığa dəvət edib

Bakı. 27 mart. REPORT.AZ/ "Hazırda terrorçuların Almaniyanı hədəf aldığına dair hər hansı məlumat mövcud deyil". "Report"un RİA "Novosti" agentliyinə istinadən verdiyi xəbərə görə, bunu Almaniyanın daxili işlər naziri Tomas de Mezyer bildirib.

Nazirin sözlərinə görə, təhlükəsizlik orqanları potensial təhlükə ilə bağlı xəbərdarlıq etməyiblər.

Bununla belə, Mezyer avropalı həmkarlarını digər dövlətlərlə, o cümlədən ABŞ-la, əməkdaşlığa dəvət edib. "Məlumat mübadiləsi olmasa cinayətkar strukturların planları ifşa edilə bilməz. Hesab edirəm ki, şəxsi məlumatların təhlükəsizliyi ictimai təhlükəsizliyin təminatından daha vacib deyil", - deyə Mezyer vurğulayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi