Yuxarı
    Bağlamaq

    Con Lennonun Liverpuldakı keçmiş mənzilində 3 meyit tapılıb

    Adam öldürməkdə şübhəli bilinən 30 yaşlı kişi saxlanılıb

    Bakı. 31 may. REPORT.AZ/ Məşhur "Bitlz" qrupunun əfsanəvi musiqiçisi Con Lennonun Liverpuldakı keçmiş evində bir qadın və iki uşaq meyiti aşkar edilib.

    "Report" BBC-yə istinadən xəbər verir ki, insident ötən gecə baş verib.

    Polis çağırış əsasında Tokstet bölgəsində yerləşən Folkner stritdəki evə gələn zaman birinci mərtəbədəki mənzildə meyitləri aşkarlayıb. Adam öldürməkdə şübhəli bilinən 30 yaşlı kişi saxlanılıb, sonradan onu xəstəxanaya yerləşdiriblər. Hələlik başqa şübhəli yoxdur.

    Mersisayd qraflığının polisi cinayətin məişət zəmnində baş verdiyini hesab edir. Məhkəmə-tibb ekspertləri ölümün əsas səbəbini aydınlaşdırır.

    Qeyd edək ki, Con Lennon Folker stritdəki evə ilk həyat yoldaşı Sintiya ilə 1962-ci ildə köçüb. Mənzilin hazırkı sahibi isə "Bitlz" qrupunun keçmiş meneceri Brayan Epşteyndir.

    Xatırladaq ki, Con Lennon 1980-ci il dekabrın 8-də Nyu-Yorkda güllələnib. Onun qatili Mark Çepmen isə ömürlük həbs cəzasına məhkum edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi