Yuxarı

Vaşinqton: Suriya məsələsində Rusiya ilə fikir ayrılığımız davam edir

Rəsmi Vaşinqton hesab edir ki, Bəşər Əsəd rejiminə verilən hərbi dəstək dayandırılmalıdır.

Bakı. 21 oktyabr. REPORT.AZ/ Suriyanın hava məkanında uçuşların təhlükəsizliyinə dair memorandum Vaşinqton ilə Moskva arasında fikir ayrılığını aradan qaldırmır. "Report"un RİA "Novosti" agentliyinə istinadən verdiyi məlumata görə, bunu ABŞ-ın dövlət departamentinin rəsmisi Con Kirbi bildirib.

Onun sözlərinə görə, Pentaqonla Rusiyanın Müdafiə Nazirliyi arasında razılaşdırılan bu sənəd - çox vacib addımdır, ancaq ABŞ-ın Suriya ilə bağlı narahatlığı qalmaqdadır. Çünkü rəsmi Vaşinqton hesab edir ki, Bəşər Əsəd rejiminə verilən hərbi dəstək dayandırılmalıdır.

Rusiya Müdafiə Nazirliyinin rəsmi nümayəndəsi general-mayor İqor Konaşenkov isə ötən axşam bildirib ki, Pentaqonla imzalanan memorandum "praktiki məna daşıyır". 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi