Yuxarı
    Bağlamaq

    "CNN": İŞİD rəhbərləri Qərbi Mosuldan qaçırlar

    Terrorçular şok və məğlub vəziyyətindədirlər

    Bakı. 1 mart. REPORT.AZ/ İŞİD terror qruplaşmasının rəhbərləri İraq ordusunun Qərbi Mosula hücumu ilə əlaqədar qaçaraq qurtulurlar.

    "Report"un məlumatına görə, bu barədə "CNN" telekanalı xəbər verib.

    İraq federal polisinin komandanı, general-leytenant Raid Şakir Cövdət telekanala bildirib ki, silahlılar bu ərazidə bir-birlərindən təcrid olunmuş vəziyyətdə qalıblar. Onların rəhbərləri isə şəhərdən qaçır.

    General-leytenant həmçinin vurğulayıb ki, terrorçular itkilərə məruz qalıblar, şok və məğlub vəziyyətindədirlər. "Bizim səhra kəşfiyyatımız müəyyən edib ki, terror qruplaşması dağılmaqdadır, onun rəhbərliyi isə Mosuldan qaçır", - deyə İraq komandanı əlavə edib.

    Qeyd edək ki, İraq ordusu bir neçə gündür, Qərbi Mosulun terrorçulardan azad edilməsi əməliyyatına başlayıb.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi