Yuxarı
    Bağlamaq

    CNN: Amerikalıların təxminən 53 faizi Donald Trampın addımlarını dəstəkləmir

    Bu rəqəm yenicə vəzifəyə gəlmiş ABŞ prezidentinə verilən ən aşağı dəstək göstəricisidir

    Bakı. 4 fevral. REPORT.AZ/ Amerikalıların təxminən 53 faizi Donald Trampın ABŞ prezidenti olduqdan sonra atdığı addımları dəstəkləmir.

    "Report" TASS-a istinadən xəbər verir ki, bu, CNN telekanalının ORC Araşdırma Xidməti ilə birlikdə apardığı ümummilli sorğu nəticəsində məlum olub. 

    Məlumata görə, respondentlərin yalnız 44 faizi D.Trampın dövlət başçısı kimi fəaliyyətini bəyənir. CNN telekanalı isə bu rəqəmin araşdırmaların aparıldığı bütün dövrlər ərzində yenicə vəzifəyə gəlmiş ABŞ prezidentinə verilən ən aşağı dəstək göstəricisi olduğunu açıqlayıb.

    Rəyi soruşulanların əksəriyyəti D.Trampın immiqrasiya siyasətinin sərtləşdirilməsinə yönəlmiş fərmanlar imzalamasını qəbul etmir. Respondentlərin 53 faizi əhalisinin böyük hissəsi müsəlman olan bəzi ölkələrin vətəndaşlarının ABŞ-a girişinə qadağa qoyulması ilə razı deyil. Eyni zamanda, 60 faiz respondent Meksika ilə sərhəddə divar tikilməsi ideyasını dəstəkləmir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi