Bakı. 23 iyul. REPORT.AZ/ Çinin Hərbi Dəniz Qüvvələri Haynan adasının şərqində, Cənub-Çin dənizində ongünlük hərbi təlimlərə başlayıb.
"Report"un "China Daily"yə istinadən verdiyi xəbərə görə, təlimlər mübahisəli sular və adalar ətrafında yaranmış gərgin vəziyyət fonunda keçirilir. Onlar üzərində suverenlik məsələsi regionun bir neçə ölkəsi tərəfindən (Çin də daxıl olmaqla) qaldırılıb.
Manevrlər zamanı gəmilərə təlimlər üçün nəzərdə tutulan dəniz ərazisinə daxil olmaq qadağan edilib.