Bakı. 26 iyun. REPORT.AZ/ Bu gün "Yeni çempionların illik sammiti - 2016" Ümumdünya İqtisadi Forumu, həmçinin "yay Davosu" kimi məşhur olan sammit Şimali Çinin Tyantszin meqapolisində öz işinə başlayıb.
"Report" xəbər verir ki, forumun işində Çin Dövlət Şurasını baş naziri Li Ketsyan, həmçinin Rusiyanın hökumət sədrinin müavini, Əfqanıstan, Kanada, Qırğızıstan, Lüksemburq, Çexiya, Şri-Lanka kimi ölkələrin liderləri və hökumət üzvlərinin iştirakı gözlənilir.
Forumda UPS, HSBC, "Uber", "Dow Chemical", "General Electric", "Toshiba", "Wal-Mart" kimi məşhur şirkətlər də təmsil olunur. Ümumilikdə tədbirə dünyanın 90 ölkəsindən 1,7 mindən çox insan qatılıb.
Bu il tədbirin rəsmi mövzusu "Dördüncü sənaye inqilabı və onun dəyişdirici təsiri"dir.