Yuxarı
    Bağlamaq

    ​Çində qəza baş verən mədənin sahibi intihar edib

    O, intihardan əvvəl dağıntılar altında qalanların axtarışına qatılıb

    Bakı. 27 dekabr. REPORT.AZ/ Çində uçularaq faciəyə səbəb olan gips mədəninin sahibi intihar edib.

    "Report" "Associated Press"ə istinadən xəbər verir ki, Ma Konqbonun meyiti bu gün müəssisə ərazisindəki quyudan tapılıb.

    O, özünə qəsd etməzdən əvvəl dağıntılar altında qalanların axtarışında iştirak edib. Son məlumatlara görə, hadisə nəticəsində bir nəfər ölüb, 11 nəfəri xilas etmək mümkün olub. Hazırda 17 mədənçi dağıntılar altındadır, onların aqibəti məlum deyil.

    Çində əmək təhlükəsizliyinə riayət etməməyə görə şirkət rəhbərləri və yerli məmurları həbs cəzası gözləyir.

    Pini qəzasındakı mədəndə qəza dekabrın 25-də baş verib. Dağıntının səbəbləri araşdırılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi