Çinin şimalındakı Daxili Monqolustan Muxtar bölgəsindəki fabrikdə baş verən yanğında azı 7 nəfər ölüb.
"Report" xəbər verir ki, bu barədə "Sinxua" agentliyi məlumat yayıb.
Yanğın yerli vaxtla saat 02:08-də (Bakı vaxtı ilə - 22:08) Baotou şəhərindəki müəssisədə baş verib. Bir saat sonra yanğın nəzarət altına alınıb, 7 nəfərin itkin düşdüyü bildirilib.
Saat 06:40-da (Bakı vaxtı ilə - 02:40) xilasetmə işləri başa çatdırılıb, itkin düşən 7 nəfərin cəsədi tapılıb.
Hadisənin səbəbləri müəyyənləşdirilir, araşdırma aparılır.