Çində 11 nəfər güclü küləyin qurbanı oldu

Çinin şərqində yerləşən Tszyansu vilayətində əsən güclü külək nəticəsində 11 yerli sakin həlak olub, 100 nəfərdən çox insan xəsarət alıb.

“Report” xarici mətbuata istinadən xəbər verir ki, bu barədə şəhər icra hakimiyyəti bildirib.

Qeyd olunur ki, bəzi ərazilərdə küləyin sürəti 45 m/s çatıb. Külək yerli elektrik xətlərini zədələyib, bir neçə binanı dağıdıb, bir neçə avtomobilə ziyan vurub.

Rəsmi məlumata görə, fəlakət bölgəsində olan təxminən 3 min nəfər təcili olaraq təxliyə edilib. Bütün xəsarət alanlara tibbi yardım göstərilib.