Bakı. 17 İyun. REPORT.AZ/ Cənubi Koreyadan ölkəsinə qayıdan Çexiya vətəndaşı Yaxın Şərq respirator sindromu (MERS) şübhəsi ilə xəstəxanaya yerləşdirilib.
"Report" xəbər verir ki, bu barədə jurnalistlərə ölkənin səhiyyə naziri Svatopluk Nemeçek məlumat verib.
1989-cu il təvəllüdlü kişi Cənubi Koreyadan mayın 30-da gəlib. Həkimlər onda soyuqdəymə və qızdırma əlamətləri aşkar ediblər.
Analiz nəticələrinin bu gün səhər hazır olacağı gözlənilir.
Hazırda Cənubi Koreyada bu virusa 154 yoluxma hadisəsi qeydə alınıb. Artıq 19 nəfər dünyasını dəyişib.
Bundan əvvəl virusa yoluxan 65 yaşlı Almaniya vətəndaşı vəziyyətinin ağırlaşması nəticəsində vəfat edib.