Çexiya daha çox T-72 tanklarının modernləşdirilməsini və onları Ukraynaya təhvil verməyi təklif edir

Çexiya Ukraynanı piyada döyüş maşınları, tanklar, döyüş sursatları, radioelektron mübarizə vasitələri və hava hücumundan müdafiə sistemləri ilə təchiz etməyə köklənib.

“Report” xəbər verir ki, bu barədə Çexiyanın müdafiə nazirinin müavini Daniel Blajkovets Almaniyadakı Ramştayn aviabazasında çıxışında bildirib.

“Çexiyada biz ordu ehtiyatlarından əldə edilən ianələrin, ictimai fondlardan satınalmaların, kraudfandinq və kommersiya tədarüklərinin maksimum sayını birləşdiririk”, - müdafiə naziri açıqlayıb.

Onun sözlərinə görə, ukraynalı və xarici tərəfdaşlarla əməkdaşlıq sayəsində Çexiyada hələ də tez həyata keçirilə bilən və Ukrayna üçün prioritetlər siyahısına daxil edilmiş konkret layihələr var. Belə ki, ABŞ və Niderlandın 90-dan çox tankının tədarükü ilə bağlı üçtərəfli layihə çərçivəsində artıq Ukraynaya 37 modernləşdirilmiş T-72 tankı çatdırılıb və onlar aybaay çoxalırlar.

“Tərəfdaşlar bu layihənin maliyyələşdirilməsində maraqlı olarsa, biz hasilatın həcmini daha onlarla artırmağı təklif edirik”, - Çexiya Hökumətlərarası Müdafiə Əməkdaşlıq Agentliyinin direktoru Aleş Viteçko vurğulayıb.

Bundan əlavə, Çexiya dövlət müəssisəsi və bir neçə özəl şirkət çərçivəsində ağır texnikaya texniki qulluq, təmir və əsaslı təmir mərkəzinin yaradılması ilə bağlı danışıqlara hazırdır. Yardımın digər forması, digər məsələlərlə yanaşı, kadr hazırlığına da yönəlib: bu ilin sonuna qədər 4 000-ə qədər ukraynalı hərbçinin hazırlanması planlaşdırılır.