Cənubi Sudanda hökumət qüvvələri ilə müxaliflər arasında toqquşma baş verib: 16 ölü

Bakı. 10 aprel. REPORT.AZ/ Cənubi Sudanda hökumət qüvvələri ilə müxaliflər arasında toqquşma baş verib.

"Report"un məlumatına görə, bu barədə "RİA Novosti" xəbər verib.

Xəbərdə bildirilir ki, hadisə Vau şəhərində qeydə alınıb. Toqquşma zamanı 16 nəfər həlak olub.

BMT missiyası şəhərə iki patrul göndərib. BMT-dən verilən xəbərə görə, patrul üzvləri xəstəxanada 16 nəfərin cəsədini, həmçinin 10 yaralını görüblər.