Cənubi Koreyada 5,3 min nəfər koronavirusa yoluxdu

Cənubi Koreyada koronavirus daşıyıcılarının sayı kəskin artıb.

“Report” xəbər verir ki, bu barədə Cənubi Koreya Səhiyyə Nazirliyinin Mətbuat Xidməti məlumat yayıb.

Bildirilib ki, Cənub-Şərqi Asiya ölkəsində daha 516 nəfərə koronavirus diaqnozu qoyulub.

Beləliklə, Cənubi Koreyada koronavirusa yoluxanların sayı 5 328 nəfərə çatıb.

Son bir həftə ərzində Koreyada virusa yoluxan insanların sayında kəskin artım müşahidə olunur. Bununla əlaqədar olaraq, hökumət çərşənbə axşamı günü məktəblərdə tədris ilinin başlanmasını iki həftə sonraya, martın 23-nə təyin edib.