Cənubi Koreya prezidenti KXDR-ə yola düşüb

Bakı. 18 sentyabr. REPORT.AZ/ Cənubi Koreya prezidenti Mun Çje İn təyyarə ilə Pxenyana yola düşüb.

"Report" "Yonhap" nəşrinə istinadən xəbər verir ki, o, səfər zamanı Şimali Koreya lideri Kim Çen Inla görüşəcək.

KXDR paytaxtına Cənubi Koreya prezidenti ilə yanaşı təqribən 110- nəfər, o cümlədən məmurlar, heyət üzvləri və iş adamları da gediblər.

Bildirilir ki, sentyabrın 16-da Pxenyana Cənubi Koreya məmurlarından ibarət 90 nəfərlik nümayəndə heyəti də yola düşüb.