Buzüstü hokkey üzrə 2023-cü il dünya çempionatının yeri açıqlanıb.
"Report"un Beynəlxalq Buzüstü Hokkey Federasiyasının (IIHF) rəsmi saytına istinadən məlumatına görə, mundiala Finlandiyanın Tampere şəhəri və Latviyanın paytaxtı Riqa ev sahibliyi edəcək.
Turnir 12 - 28 mayda təşkil olunacaq.
Qeyd edək ki, dünya çempionatı daha əvvəl Rusiyanın Sankt-Peterburq şəhərində keçirilməli idi. Lakin IIHF Ukraynaya hərbi müdaxilə səbəbindən Rusiyanı bu hüquqdan məhrum edib.