Burundidə həbsxanada yanğın olub, 38 nəfər ölüb, 69 nəfər yaralanıb

Burundinin paytaxtı Giteqada həbsxanada baş verən yanğın nəticəsində 38 nəfər ölüb, 69 nəfər yaralanıb.

“Report” xəbər verir ki, bu barədə məlumat yerli “Iwacu” qəzetinin tviter səhifəsində paylaşılıb.

Hadisə dekabrın 7-də yerli vaxtla səhər saat 4-də (Bakı vaxtı ilə 06:00-da) baş verib. Hadisə yerinə Qırmızı Xaç Cəmiyyətinin üzvləri gedib. Yanğın baş verən həbsxanada mindən çox məhbus saxlanılır.

Hadisənin səbəbi araşdırılır.