Yuxarı
    Bağlamaq

    ​Burkina Fasoda prezident səlahiyyətlərini icra edən Mişel Kafando vəzifəsindən kənarlaşdırılıb

    Onunla birlikdə baş nazir və bir neçə nazir girov götürülüb

    Bakı. 17 sentyabr. REPORT.AZ/ Burkina Fasonun keçid parlamentinin spikeri Şərif Say dövlət çevrilişi baş verdiyini bildirərək xalqı ona qarşı çıxmağa çağırıb.

    "Report" "Reuters"ə istinadən xəbər verir ki, spiker RFI radiostansiyasının efirində çıxış edərək ölkədə baş verənləri pisləyib və bu hadisələrə cavab olaraq insanları "dərhal ayağa qalxmağa" çağırıb.

    Bir qədər əvvəl Burkina Faso hərbçilərinin liderləri prezident səlahiyyətlərini müvəqqəti icra edən Mişel Kafandonun vəzifəsindən kənarlaşdırıldığını bildiriblər. Hərbçilər həmçinin müvəqqəti hökumətin işinə xitam verildiyi barədə də məlumat yayıb. Eyni zamanda, prezidentin mühafizəsi M.Kafando, baş nazir və bir neçə naziri girov götürərək saxlayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi