Burkina-Fasoda terrorçular kütləvi qətliam törədib

Burkina-Fasoda terrorçular üç kəndə hücum edib.

“Report” “TASS”a istinadən xəbər verir ki, 14 oktyabr tarixində terrorçular Seno bölgəsindəki Demniol, Bombofa və Peteqerse kənlərinə hücum edərək 20-yə yaxın sakini qətlə yetiriblər. Bölgəyə əlavə ordu qüvvələri göndərilib.

Son iki ildə bu ölkə Qərbi Afrikadakı yaraqlıların terror fəaliyyətinin mərkəzinə çevrilib. Cənubi Afrika Beynəlxalq Münasibətlər İnstitutunun verdiyi məlumata görə, Burkina-Fasoda bu ilin ilk altı ayında terrorçular tərəfindən 531 nəfər öldürülüb.